七一下水禮 2008年7月1日

今日好開心呀!!..等咗半年..終於同Raymond爸爸一齊放假啦...其實好難得先1日可以一齊放假(差不多1年先一次, 除咗新年)..終於到今日啦.

哈哈..一早起身.. 我地先去九龍城食午飯..(其實都12點半) 之後我地就返屋企..接埋蕃薯及鄰居yvonne+sake...一齊出發去我地的目的地..西貢.

爸爸今日充當司機, 由屋企出發..直去西貢, 因為唔太識路..所以沿途轉呀轉.用多咗小小時間(約15分鐘..因為轉錯圈..哈哈).  不過因此蕃薯先生終於忍不住..嘔吐咗出黎..大件事啦..即刻搵到停車場後要洗車..

今日西貢唔算人多..不過太陽好似成個星期冇出黎咁..晒到就快溶啦..由於seke係teacup的關係..佢已經伸晒脷仔..所以我地沿途不停比水2隻小魔怪飲..

sake已經2歲大..係咪好可愛呢!!!

蕃薯可能知道爸爸今日放假, 所以全程跟實佢..佢2個都不知行得幾快..足足行快成條街..而我就同yvonne & sake慢慢行..不過我開始個心有d不妙..點知真係

由於我地行西貢沙灘徑..我見到爸爸係落沙灘樓梯度停咗..之後望吓我地..oh no..爸爸..你唔係想同蕃薯游水呀..唔好呀!!!!!我一叫..佢地都唔理我就走落去沙灘..no....我地3個企係樓梯望住佢地越行越遠..今次真係弊啦..yvonne提議..不如去買定條毛巾仲好啦..之後我地3個繼續向前行..各自買咗毛巾.

因為冇帶眼鏡, 都唔知佢2個行咗去邊. yvonne又提議, 不如落沙灘搵啦..終於我地3個都落咗去..我的波鞋呀..全部都係沙..仲要行有水的地方..終於見到佢2個..不過好笑的係..爸爸好高興大叫. 蕃薯識游水呀..快d叫媽媽一齊玩啦..最後我同yvonne都除咗鞋參加呢次下水禮..

原來sake同蕃薯一樣..都係第一次落水..不過seke好利害, 一落水已經四腳爬爬..而蕃薯仲係有d驚.

sake比爸爸捉住游水

蕃薯已經濕晒啦!!!

媽媽..你睇吓我!!!

媽媽覺得你似鱷魚多d

你地今日就玩得好開心啦..而我地2位媽媽仲有下半場..就係返屋企要同你地2位大爺沖涼呀