OBASHI被罵了...

哈哈哈哈....呢個百厭仔終於都要被爸爸罵啦...事原因為佢走咗入厠所的地毯尿尿呀...

RAY特登先唔比糧佢食, 要先罵佢喎..

點知你有你罵, OBASHI個心都只係掛住碗糧..一D都冇理爸爸..

SHI SHI: 你一路罵, 我一路望住D糧..hehe...

shi shi: 我忍唔住啦...(ray即刻伸手搶糧)...

唉....不過ray都係衰人黎架啦..一個鐘前先罵完佢, 一個鐘後已經攬住一齊瞓係sofa..

shi shi瞓到幾冧...就因為咁樣個衰豬又點會怕我地吖..

惡爺OBASHI~~

一心諗住除個罩罩比你鬆下, 以為你2個玩追追追..點知聽WOO WOO聲, 望下你2個....

你個小惡爺又蝦哥哥.迫到哥哥走去角位..

叫你唔好仲走埋去...

似住有爸爸照你蝦我心肝...呢個小惡爺..一陣你就知味道..

點捨得唔要你~~蕃薯

家中各人都知道Ray對shishi有幾偏心同愛錫...反之我是愛蕃薯多一點(可是蕃薯的心又只有Ray)

事由上星期帶完2個仔去婆婆家後, 回家前順道去了黃小姐舖頭坐一下..
每次他倆都會好知地步, 一行到舖位, 就會好自然向門口搖尾, 像是叫 "開門呀".
而每次入到去, obashi都拖展混身解數同人玩, 之後又會係sofa度典,典,典. 相反蕃薯每次八掛完之後, 都一定痴住或走回我大脾上來坐...
剛巧有對客人走入, obashi又施展爛玩本領, 要那位姐姐同佢玩, 姐姐二話不說就同shishi玩起來, 還抱了上手.
黃小姐笑笑口說, 你喜歡shishi呀, 抱他走啦~~ 反正我愛蕃薯多一點
姐姐笑笑口對住shishi回答說, 係牙, 冇人仲意你呀. 那我帶你走啦..
到我苦笑地說, 千奇唔好呀, 你帶佢走我"死定"呀, 你要帶就帶蕃薯走吧.(蕃薯當時坐在我大脾上)
就當我講完這句說話, 蕃薯即時, 是即時擰了個身向著我, 然後呼了一下, 之後就不斷的錫錫我了...
當時那一刻, 心想.蕃薯,你又聽懂嗎?? 如果是聽懂的, 難道你唔知媽媽我在講笑嗎? 我又點會唔要你呢, 你係我心肝仔呀, 常常都希望可以跟你長久些, 我又點捨得唔要你..
回家後想了好多遍那個情境, 心裏甜得很呢~~

不受影響的Obashi

雖然仲未踏入到炎炎的夏日, 但屋企的室溫日日都熱到不得了。。。

有時蕃薯瞓瞓下都會走到地板上去睡, 不過相對於ＯＢＡＳＨＩ黎睇，佢都好似冇咩受影響, 仍然享受於在床上的軟綿綿...

真係咁好瞓???

瞓甦啦..SHISHI??

蕃薯第一次參加比賽

上個月STARBUCKS係FB度攪咗個Starbucks VIA® Ready Brew的咖啡分享比賽..嘻嘻.

我同蕃薯一齊參加咗..
呢張就係我地的比賽相啦...

最後, 我地得到10名以內的入圍呀..好開心, 今日去咗攞禮物啦..
有2隻STARBUCKS杯同2個, 1盒特別版咖啡, 同1盒Colombia咖啡, 仲有一個熊熊公仔

真係要多謝比like的朋友, 同starbucks的禮品呀...
最重要的緊係多謝心肝仔蕃薯的參與演出..媽媽聽日請你食好野至得!!