OBASHI新床

自從OBASHI由床跌過地之後, 我地都已經冇再抱佢上床瞓. 只係比佢座下(玩一陣)

可是, 一到瞓覺時間, 他就好似化石咁座係床邊, 希望我同RAY其中一個會抱佢上床...有見及此, 同RAY商糧了再買一張床仔放入房, 等佢瞓係我地床的隔離.
係PAULINE度見到一張..NO, 係一間好得意的毛毛狗屋, RAY二話不說的便買了...

先看看OBASHI是否喜歡....... 答案是: YES..好仲意呀~~
一放好屋仔位置, 便一支箭咁標入去, 而且仲反肚仔添呀..

不過OBASHI太自私啦(學晒爸爸), 哥哥蕃薯想伸個頭入去望吓, 佢就即刻突個頭出黎咬咬吓...你個衰仔呀.. 反骨呀,, 平時你係廳瞓的床仔係哥哥架, 自從你霸咗哥哥之後, 佢平時都爬係地下瞓, 你幾衰. 比哥哥望吓都唔得~~
蕃薯哥哥..媽媽錫番..等我比D好野你食..我地唔好話比細佬知者~~

OBASHI嚇死人啦~~

尋晚5點多..其實都差不多天光, 我瞓瞓吓聽到有物件掉落地的聲..我即刻彈起身望吓床的四周..發現唔到任何野~~之後再望番張床..蕃薯同RAY仍然係2個死豬咁..

我再望多一次床的四周, 然後叫了一聲: OBASHI??
冇反應..咁我就瞓番底.....
突然.. 輪到RAY坐咗起身, 牽起所有棉被.....叫了出來..OBASHI..你係邊呀..OBASHI.OBASHI...之後就好似發顛咁叫OBASHI OBASHI..你係邊呀..然後走出廳開了燈.....OBASHI你嚇死我啦..點解你走咗出黎架..今次輪到我發顛咁問..OBASHI尋晚有冇上床瞓呀..我頭先聽到跌野聲.....
RAY: OBASHI原來你趺咗落床呀...死啦..好似跌到呀.....
ME: 真架(我仲係床上面大叫, 蕃薯哥哥都企响床邊望)
RAY 即刻抱起佢, 左錫右錫...然後講咗句..冇事呀..D手腳冇事呀..佢未瞓醒, 所以冇反應咋....你睇佢可以行得好好..仲搖尾呀...你再檢查一次...
ME: 你以後唔好再抱佢上床瞓呀(又在大叫ing), 如果跌到咁點算呀~你又唔知自己爛瞓..係米你伸咗佢落床呀~~
RAY又再錫一輪.. 將佢放返係張床仔..之後好似冇事咁熄燈返上床瞓...
就係咁..我地又好似冇事發生過咁..一齊再進入夢鄉...
不過我現在想起. 覺得有點奇怪, 點解我叫的時候, 全部都冇反應, 但都唔夠5分鍾..我地全部都醒晒..而OBASHI又好得意咁已經返咗自己的床仔瞓..唔通RAY, 蕃薯同OBASHI個個都有入瞓症.. 完全聽唔到我叫??!!.