奪命較剪腳

前晚4點幾比RAY叫醒, 佢一路笑一路話..

R: 你快D睇下啦..好好笑呀
M: 睇咩呀..
R: 你睇下蕃薯同OBASHI先啦..
M: 我一D都睇唔清呀.(一, 因為冇開燈, 二, 我有近視)
R: 你見唔見蕃薯用奪命較剪腳夾住OBASHI個頭呀..HAHAHA(自己係度笑)
M: 佢地個頭係邊我都未見到...(X#$!ZX%^*YX)
R: 真係好好笑呀, 我睇住OBASHI好似夢遊咁由床尾行過黎瞓底, 然後蕃薯突然雙腳一夾, OBASHI個頭就係咁被蕃薯夾住..仲要係係何B仔個位..HAHAHA(自己又係度笑)
突然有一陣鼻寒聲..係obashi發出黎既..之後我同RAY就笑晒出黎啦..

OBASHI..哥哥個大脾係米好C服呢~~

雖然係好好笑...不過而家係零晨4點幾...點瞓番呀~~

今日諗住同佢2兄弟洗定白白過聖誕..係我同蕃薯吹毛的時候, 突然掉咗一塊頭皮連毛出黎...嚇死我啦....

仔呀..點解你會咁樣架..

你痛唔痛呀..心肝仔..

媽媽見到好心痛呀~~

返黎啦..四腳朝天

經過一星期的人手按摩大脾仔的密集式治療, OBASHI已經可以SIT啦..不過唔夠2,3秒, 佢隻左腳就會伸直突咗出黎...A.R..唔通仲係隱隱作痛..

但尋晚瞓覺..佢終於再做番佢拿手的四腳朝天姿態..終於放心晒, 佢的腳腳應該鬆咗好多啦..成個星期冇見呢個姿勢, 尋晚見番...攪到我成晚瞓唔著添...HEHE

OBASHI腳仔痛..

前幾日, OBASHI成日都悶悶不樂, 一直都只係瞓係床仔, 叫極佢都唔應我..

同RAY佢講今日SHISHI好冇心機..RAY就行埋去問仲咩呀SHI SHI.. 之後用手摸摸下佢...但當隻手去到佢隻腳腳時, 佢一個轉身想咬RAY牙..咩野事呀BB..仲咩你咬人呀...你係唔會咁架WOO..
之後佢好驚咁走返自己張床仔, 我當然即刻去睇下佢..只見佢好驚, 我就抱起佢, 佢的2對後腳不停震...仲咩咁驚呀BB...我又摸下佢, 點知我都不能幸免, SHISHI開口呀..
發生咩野事呀..我同RAY即刻捉住佢, 前後左右咁摸佢, 足之比我地發現, 每次摸佢後腳, 佢都好大反應, 應該係對腳腳有事, 心急的我即刻搵野食引佢行下, 睇下行的步伐有冇問題..OK喎, 行得好好. 但一叫到SIT..佢就開始退後啦...即刻打電話問病情, 繼而飛車入元朗...
經過GORDON的小小測試反應後, 暫定BABASHI應該係神經肌肉痛, 因為佢行得走得, 只係唔摸得..所以一定唔係扭到腳仔...
我知啦..一定又係衰公同SHISHI玩打交(用手擋/推開SHISHI), 玩得過火得濟, 攪到SHISHI隻腳肌肉痛啦..
唔理呀..快D比返活潑BBSHI我呀...

SAKE同IKI兩兄弟黎宿營~~

尋日SAKE同IKI兩兄弟黎我家宿營~~

SAKE..又黎啦~~

不過你仲咩瞓咗OBASHI張床呀??

原來IKI瞓咗你的....

OBASHI: 哥哥..我張床床比SAKE瞓咗, 我冇得瞓啦...
蕃薯: 唔好咸..哥哥錫返...

SAKE: OBASHI我地一齊瞓呀~~
OBASHI: 好呀好呀~~

OBASHI: IKI仔你仲咩跟住我呀...
IKI: 同我玩啦, 玩啦..

你地唔同我玩..我自己玩..(好似係攞晒D玩具WOO)

再玩伏里里...

OBASHI: 我同SAKE都唔同你玩呀, 叫PAPA抱我地睇電視

IKI: 你唔同我玩..我咬爛D公仔~~~

IKI同SAKE終於返佢地自己床仔啦...

OBASHI: 終於可以瞓返床仔啦...GOOD NIGHT~~

污咀~~~

上星期RAY係"CITY 豬扒" 度買咗支日本乳酪. 佢晚晚都會倒小小出黎慢慢嘆...

當然我家2位公子一定走去圍住佢..
前日得返最後一杯...RAY自己嘆完之後, 就同蕃薯講..好啦..見你咁想試, 比你LAM下隻杯啦......終於....

又搵著我黎攪~~~

等候的時光~~

每一日的晚上..都會睇到呢D畫面...

OBASHI: 唉..哥哥..好悶呀~~

OBASHI: 爸爸幾時返呀~~

OBASHI: 就黎悶死我啦...

OBASHI...咦..出面有動靜~~

OBASHI:哥哥..你快Ｄ聞下係米ＢＡＢＡ返黎～～

OBASHI: 係米呀, 係米呀~~
蕃薯: a......我只係聞到隔離煮飯香咋~~~

蕃薯同OBASHI行孖必~~

襯早幾日天氣好, 帶咗蕃薯同OBASHI佢2個落街行行...

蕃薯: OBASHI...呢排屋企附近有個新樓盤開售, 有好多新面孔行來行去, 你跟貼D我, 唔好周圍走呀....
OBASHI: 我知啦..哥哥..不過你唔好行咁快牙..唔係我追唔上你架...
(半小時後)

OBASHI: 哥哥..都叫咗你唔好行咁快架啦..行到我好熱呀..
蕃薯: A..R..唔行快D點得呀..哥哥我都好驚D陌生人呀..佢地成日問我睇唔睇樓...我都冇$$..唔行快D點得呀..

OBASHI第一次遊水@石澳9.28

今日RAY放假..終於肯同我地去玩水...YEAH!!

入石澳個條路真係九曲十三彎....
OBASHI第一次遊水@石澳9.28
落水啦..

OBASHI: 快D啦..快D啦..再行啦...

蕃薯: 好熱呀..冇眼睇~~

蕃薯: 都係食沙沙最好...

後記: OBASHI落水的時間好開心, 但一上水就TE TE震..仲呵肚仔..唉牙..唔知係米上水後冇用毛巾冷襯呢...

瞓得好安心...

在我們的一屋裏面, 我想每晚瞓得最"C服" 嗰個, 一定係OBASHI, 因為佢每一晚, 都會做出同樣的姿勢...

Day 1

Day 2

Day 3

終於 比佢發現我影佢相..HAHA.
MAMA.. 你仲咩影我牙~~

同場加影哥哥蕃薯..最仲意係私家椅度曬太陽~~

搵到2張BB SHI小時候的覺豬的相..一直以來, 原來佢都係一樣=.="瞓得好C服架~~

蕃薯給我的抱抱睡

記得蕃薯只有幾個月大的時候, 有一天在家中跟他一起在SOFA上午睡(其實是我硬著捉住他的)..濛濛中, 感覺頸上很重. 再感覺一下, 原來小蕃薯付在我的頸上呼呼睡著了...這個溫馨的埸面, 直到現在我也沒有忘記, 不過之後再沒有這種情況發生了...

直到最近的一天晚上, 當我輾轉睡在床上, 突然地你在我手臂上抓著抓著的, 我張開手問了你一句: 做咩啦, 蕃薯??? 就在這刻, 你卷進在我手臂上躺下, 嘆了一口氣, 不久便呼呼的睡了..而我,也跟你一樣的, 很快便跟你一起睡著了...
蕃薯, 是你在夢遊, 還是在發夢了? 還是你知道我睡不著, 所以走來陪伴我睡..不過無論是那一個理由, 謝謝這個抱抱睡..把那種溫馨的感覺再次的跑回來.

超重的OBASHI

可能近排小了關注..(都唔係可能, 其實我見RAY成日都比好多小食比OBASHI食)....

昨晚拿出磅跟OBASHI度體重....沒有看錯嗎????居然是4.96Lbs....
哥哥蕃薯只有8.2lbs, obashi是他的一半有多...沒可能吧..天呀
那個超級大肥仔..細細的身軀..居然體重是4.96Lbs.(正常的磅數應是3LBS吧).那..就真是.....要地獄式減肥啦.....

 

OBASHI新床

自從OBASHI由床跌過地之後, 我地都已經冇再抱佢上床瞓. 只係比佢座下(玩一陣)

可是, 一到瞓覺時間, 他就好似化石咁座係床邊, 希望我同RAY其中一個會抱佢上床...有見及此, 同RAY商糧了再買一張床仔放入房, 等佢瞓係我地床的隔離.
係PAULINE度見到一張..NO, 係一間好得意的毛毛狗屋, RAY二話不說的便買了...

先看看OBASHI是否喜歡....... 答案是: YES..好仲意呀~~
一放好屋仔位置, 便一支箭咁標入去, 而且仲反肚仔添呀..

不過OBASHI太自私啦(學晒爸爸), 哥哥蕃薯想伸個頭入去望吓, 佢就即刻突個頭出黎咬咬吓...你個衰仔呀.. 反骨呀,, 平時你係廳瞓的床仔係哥哥架, 自從你霸咗哥哥之後, 佢平時都爬係地下瞓, 你幾衰. 比哥哥望吓都唔得~~
蕃薯哥哥..媽媽錫番..等我比D好野你食..我地唔好話比細佬知者~~